Who knows Khadse? Minister Girish Mahajan again challenged जळगाव (18 नोव्हेंबर 2025) : माजी मंत्री एकनाथराव खडसे व मंत्री गिरीश महाजन यांच्यातील सख्च उभ्या महाराष्ट्राला ठावूक आहे. दोन्ही नेते एकमेकांवर टीका करण्याची संधी सोडत नाही. त्यातच खडसेंनी मुक्ताईनगरात न लढण्याचा निर्णय जाहीर केल्यानंतर या निर्णयावर विविध प्रतिक्रिया उमटत आहेत. या संदर्भात मंत्री गिरीश महाजनांना छेडल्यानंतर त्यांनी ‘कोण ओळखतो त्या खडसेला?’ असं म्हणत मुक्ताईनगरमध्ये त्यांनी निवडणूक न लढवण्याचा निर्णय घेतला तो बरोबरच असल्याचे ते म्हणाले. त्यांनी काय चुकीचे म्हटले, असे म्हणत महाजन म्हणाले की, एकनाथ खडसे एवढे मोठे बलाढ्य नेते आहेत त्यांनी एक तरी नगरपालिका निवडून आणली असती, असेही महाजन म्हणाले.
खडसेंविषयी बोलण्यासारखे काहीही नाही
मंत्री महाजन म्हणाले की, खडसे सध्या कोणत्या पक्षात आहेत हे कळत नाहीत. खडसेंबाबत आता बोलण्यासारखं काही राहिलेलं नाही. मुक्ताईनगरमध्ये आमचे मित्र पक्ष चंद्रकांत पाटील हे वेगळे लढत आहेत, एकनाथ खडसे लोकसभेला म्हणतात सुनेला मदत केली. प्रत्येक निवडणुकीला खडसे हे आपली भूमिका बदलत असतात. एकमेकाला शिव्या द्यायच्या आणि घरातल्या घरात राजकारण करायचे, अशी टीका गिरीश महाजन यांनी केली.
एक तरी पालिका निवडून आणून दाखवावी
आता खडसेचं काही राहिलेलं नाही. जिल्ह्यात निकाल लागल्यावर कोणाची किती ताकत आहे, उबाठाची किती ताकद आहे? काँग्रेसची किती ताकद आहे? आणि शरद पवार पक्षाची किती ताकद आहे हे कळेल. खडसेंनी जिल्ह्यातील एखादी तरी नगरपालिका निवडून आणून दाखवावी, असे आव्हानच गिरीश महाजनांनी आमदार खडसेंना दिले आहे. आमदार खडसे या टीकेला कसे उत्तर देतात? याकडे राजकीय धुरिणांचे लक्ष लागले आहे.
