मूलभूत समस्या सोडवण्यासह नागरिकांच्या सेवेसाठी तत्पर : भुसावळात राष्ट्रवादी अजित पवार गटाच्या उमेदवार ममता डागोर
Ready to serve citizens by solving basic problems: Mamta Dagor, candidate of NCP Ajit Pawar group in Bhusawal भुसावळ (22 नोव्हेंबर 2025) : भुसावळ पालिका निवडणुकीत मतदारांनी संधी दिल्यास निश्चितपणे प्रभागातील नागरिकांच्या मूलभूत समस्या सोडवू शिवाय नागरिकांच्या सेवेसाठी आपण तत्पर राहू, अशी ग्वाही प्रभाग क्रमांक 9 ब मधून राष्ट्रवादी अजित पवार गटाच्या उमेदवार ममता अजय डागोर यांनी सांगितले. पालिका निवडणूक जाहीर झाल्यानंतर त्यांनी मतदारांशी संपर्क वाढवला शिवाय त्यांचे पती अजय डागोर व कार्यकर्त्यांनी प्रभाग पिंजून काढत मतदारांच्या भेटी वाढवल्या आहेत.
प्रभागाचा विकास हाच ध्यास
प्रभागाच्या विकासासाठी आपली उमेदवारी असून जनतेने आशीर्वाद दिल्यास निश्चितपणे आपण प्रभागाचा विकास करू, असे उमेदवार ममता डागोर यांनी यावेळी सांगितले. राष्ट्रवादी अजित पवार गटातील सर्व पक्ष श्रेष्ठींचे आपण आभारी असून दिलेली उमेदवारी आपण सार्थ ठरवू, असेही त्यांनी यावेळी सांगितले.
