प्रभागाच्या विकासाचे व्हिजन घेवून भुसावळात प्रभाग क्रमांक 9 मध्ये राष्ट्रवादीच्या उमेदवाराचा प्रचार
Campaigning for NCP candidate in Ward No. 9 in Bhusawal with a vision of ward development भुसावळ (23 नोव्हेंबर 2025) : प्रभागातील मूलभूत समस्या सोडवण्यासाठी प्रभागाच्या विकासाचे व्हिजन घेवून
भुसावळ शहरातील प्रभाग क्रमांक 9 ब मधून राष्ट्रवादी अजित पवार गटाने उमेदवारी दिलेल्या ममता अजय डागोर यांनी प्रचार सुरू केला आहे.
शनिवार, 22 रोजी प्रभागातील महात्मा फुले नगर, काशीराम नगर, भारत नगर भागात डागोर यांच्या कार्यकर्त्यांनी प्रचार फेरी काढत मतदारांच्या भेटी घेतल्या व समस्या जाणून घेतल्या तसेच मतदारांनी उमेदवाराला संधी मिळाल्यास प्रभागातील समस्यांचे निवारण करण्याची ग्वाही यावेळी देण्यात आली.
राष्ट्रवादी अजित पवार गटाच्या उमेदवार ममता डागोर यांच्या प्रचारार्थ महात्मा फुले नगर, काशीराम नगर, भारत नगर भागात कार्यकर्त्यांनी प्रचार फेरी काढली. मतदारांनी संधी दिल्यास निश्चितपणे या भागाचा कायापालट करू व दिलेल्या आश्वासनांची पूर्ती करू, असे उमेदवार ममता डागोर म्हणाल्या. उमेदवाराच्या विजयासाठी त्यांचे पती अजय डागोर यांनीही प्रभागात डेरा टाकत संपर्क वाढवला आहे.
