भुसावळ (24 नोव्हेंबर 2025) : आयुष्यात आनंद वाटला तरच आपल्यालादेखील आनंद मिळतो. आनंद ही अशी बाब आहे, जी वाटल्याने वाढते त्यामुळे कायम आनंदी राहण्याचा प्रयत्न करा. सुख ही शारीरिक क्षमता, तर आनंद ही मानसिक अवस्था आहे, असे प्रतिपादन निवृत्त मुख्याध्यापक तथा व्याख्याते राजेंद्र गवळी यांनी केले.
ओम सिद्धगुरू नित्यानंद प्रतिष्ठान संचालित वासुदेव ज्येष्ठ नागरिक संघातर्फे आयोजित व्याख्यानात ते बोलत होते. व्यासपीठावर अध्यक्ष प्रकाश पाटील, सचिव सतीश जंगले, प्रमुख पाहुणे म्हणून दीपक महाराज, संजय चौधरी, भानुदास पाटील उपस्थित होते. कार्यक्रमाची सुरुवात विश्व प्रार्थना आणि हनुमान चालिसा पाठने झाली. यानंतर हरे राम हरे राम राम राम हरे हरे, हरे कृष्ण हरे कृष्ण कृष्ण कृष्ण हरे हरे या महामंत्राचा जप करण्यात आला. सूत्रसंचालन सतीश जंगले यांनी केले. कार्यक्रमासाठी प्रकाश पाटील, संजय चौधरी, प्रभाकर झांबरे, अशोक नेहेते, धनराज पाटील, भास्कर खाचणे, भानुदास पाटील, सुनील सूर्यवंशी यांनी सहकार्य केले. विश्व कल्याण साधनारी प्रार्थना होऊन या जेष्ठ नागरिकांच्या कार्यक्रमाचा समारोप करण्यात आला.
