भुसावळात तिहेरी अपघात : दाम्पत्य किरकोळ जखमी

पत्नीच्या सतर्कतेने पतीचे वाचले प्राण : अपघातानंतर अचानक ब्रेक लावल्याने मिक्सरने दिली कारला धडक

भुसावळ : शहरात शनिवार अपघातवार ठरला. एकाचवेळी तीन अपघात झाले मात्र सुदैवाने कोणतीही प्राणहानी झाली तर एका अपघातात डंपरखाली दुचाकी आल्याने दाम्पत्य किरकोळ जखमी झाले. पत्नीने दाखवलेल्या सतर्कतेने पतीचे प्राण वाचले. तीनही अपघातप्रकरणी कुणी तक्रार दाखल केली नसल्याने पोलिसात नोंद नसल्याचे पोलिस सूत्रांनी सांगितले.

डंपरच्या धडकेत दाम्पत्य जखमी
शहरातील अण्णाभाऊ साठे नगरातील विनोद कापसे हे पत्नीसह दुचाकी (एम.एच.19 सीएन 2492) ने सुंदरनगरकडे जात असताना
डंपर (एम.एच.19 सी.वाय.2104) त्याच दिशेने निघाला असताना दुचाकी डंपरच्या मागच्या चाकात आली. शनिवारी सकाळी 10.30 वाजता ही घटना घडली. कापसे यांच्या पत्नीने हिंमत दाखवीत पतीला ट्रकबाहेर ओढल्याने बचावले व ते किरकोळ जखमी झाल्याने खाजगी रुग्णालयात त्यांच्यावर उपचार करण्यात आले. अपघाताची माहिती कळताच सहायक फौजदार तस्लीम पठाण, हवालदार जयेद्र पगारे, वाहतूक शाखेचे राजेद्र शिंदे, मोहंमद अली सय्यद यांनी धाव घेतली. अपघाताला कारणीभूत ठरलेला डंपर पोलिसांनी ताब्यात घेतला आहे.