आशादीप वस्तीगृहाबाबत आरोप करणारी महिला मनोरुग्ण : पालकमंत्री गुलाबराव पाटील

जिल्ह्याच्या बदनामीचे दुःख
पालकमंत्री म्हणाले की, मी स्वत: जळगावचा पालकमंत्री असल्यामुळे या माध्यमातून आमच्या जिल्ह्याचे नाव चुकीच्या माध्यमातून जगासमोर गेल्याने वाईट वाटले. जळगावातील आशादीप महिला वसतीगृहातील कथित व्हिडीओ प्रकरणाने खळबळ उडाली आहे. हे प्रकरण समोर आल्यानंतर गृहमंत्री अनिल देशमुख यांनी कालच उच्चस्तरीय समितीचे गठण करून चौकशी करून दोन दिवसात अहवाल मांडण्यात येईल असे जाहीर केले होते. यानुसार त्यांनी गुरुवारी चौकशी अहवाल विधानसभेत मांडला. या प्रकरणी गृहमंत्र्यांनी उच्च अधिकार्‍यांच्या समितीद्वारे चौकशी केली असता हे प्रकरण घडलेच नसल्याचे समोर आले. या प्रकरणी ज्या महिलेने आरोप केले तिच्याविरूध्द 17 वेळेस तक्रारी करण्यात आल्या आहेत. ती मनोरूग्ण असल्याचे आधीच समोर आले असून तिने केलेल्या आरोपात कोणतेही तथ्य नसल्याचे पालकमंत्री गुलाबराव पाटील म्हणाले.