Shirpur agricultural officer Dhule in ACB’s net for bribe of eight thousand शिरपूर : शिरपूर पंचायत समितीच्या कृषी विभागातील विस्तार अधिकारी ज्ञानेश्वर भगवान पाटील यांना आठ हजारांची लाच घेताना धुळे एसीबीने रंगेहाथ अटक केली. गुरुवारी दुपारी हा सापळा यशस्वी करण्यात आला.
असे आहे प्रकरण
तक्रारदार यांच्या आईच्या नावाने वाकपाडा येथे शेती आहे. या शेतजमिनीवर जि.प. व पं.स.मार्फ राबवल्या जाणार्‍या बिरसा मुंडा कृषी योजनेंतर्गत विहिर मंजूर करण्यात आली आहे. विहिरीसाठी पहिल्या टप्प्यातील अनुदान मिळाले असून दुसर्‍या टप्प्यातील अनुदानासाठी तक्रारदार गेल्यानंतर एक लाख 31 हजार रुपये खात्यावर जमा झाल्याने काम करून दिल्याच्या मोबदल्यात 10 हजारांची मागणी लाचखोर कृषी अधिकारी डी.बी.पाटील यांनी केल्यानंतर तक्रारदाराने तडजोडीअंती आठ हजार घेण्याचे देण्याचे कबूल केले मात्र लाच द्यावयाची नसल्याने त्यांनी बुधवारी तक्रार नोंदवण्यात आल्यानंतर लाच पडताळणी करण्यात आली.
लाच स्वीकारताच अटक
गुरुवारी शिरपूर शहरातील हॉटेल ग्यानमाई चहा व नास्ता सेंटर येथे कृषी अधिकारी पाटील यांनी तक्रारदाराला लाच देण्यासाठी बोलावल्यानंतर लाच स्वीकारताच त्यांना अटक करण्यात आली.
यांनी केला सापळा यशस्वी
शिरपूरातील सापळा धुळे पोलीस उपअधीक्षक अभिषेक पाटील यांच्या मार्गदर्शनाखाली पोलीस निरीक्षक मंजीतसिंग चव्हाण व पोलीस निरीक्षक प्रकाश झोडगे, राजन कदम, शरद काटके, संतोष पावरा, रामदास बारेला, भूषण खलाणेकर, भूषण शेटे, गायत्री पाटील, मकरंद पाटील, प्रशांत बागुल, प्रवीण पाटील, रोहिणी पवार, वनश्री बोरसे, सुधीर मोरे, जगदीश बडगुजर आदींच्या पथकाने यशस्वी केला.
