भुसावळात जागतिक छायाचित्रण दिनानिमित्त कॅमेरा पूजन

Camera worship on the occasion of World Photography Day in Bhusawal भुसावळ : जागतिक छायाचित्रण दिनाचे औचित्य साधून सोनिच्छावाडी भागात शहरातील वरीष्ठ छायाचित्रकांरातर्फे कॅमेर्‍यांचे पूजन करण्यात आले. अध्यक्षस्थानी नरसिंग राठोड होते. विकास वाणी, विवेक वणीकर, विलास साळी यांनी द्वीप प्रज्वलन केले. त्यानंतर कॅमेरा पूजन करण्यात आले. शहरातील सर्वात जुने फोटोग्राफर ज्यांनी फोटोग्राफीचा वारसा अजूनही टीकवून ठेवला आहे असे विकास वाणी, विवेक वणीकर, विलास साळी या ज्येष्ठ छायाचित्रकारांचा सन्मान करण्यात आला. कार्यक्रमाचे अध्यक्ष भुसावळ सिनियर फोटोग्राफर ग्रुपचे नरसिंग राठोड होते. अविनाश साळी, गोकूळ महाजन, श्याम गोविंदा, गणेश राठोड, भरत शिंपी, मुकेश नेवे यांनी सहकार्य केले. सिद्धेश राठोड, पुष्कर शिंपी यांनी परीश्रम घेतले. सूत्रसंचलन राजेंद्र जावळे तर आभार गोकुळ महाजन यांनी मानले.