बलवाडीतील रखवालदाराच्या खुनाची अखेर उकल : सालदारासह दोघांना बेड्या

The murder of the security guard in the fort is finally solved : both of them, including the security guard, are in chains जळगाव : शेतासह शेती साहित्याची रखवाली करण्यासाठी आलेल्या बिलवाडीतील 52 वर्षीय रखवालदाराचा खून करीत ट्रॅक्टर लांबवण्यात आल्याची घटना जळगाव तालुक्यातील वावडदा ते म्हसावद दरम्यान वावडदा शिवारात घडली होती. या घटनेत पांडुरंग पंडित पाटील (52, बिलवाडी) यांचा खून करण्यात आला होता. जळगाव गुन्हे शाखेने या गुन्ह्याची उकल करीत सालदारासह दोघांना बेड्या ठोकल्या आहेत. पवन बहाधीर बारेला (30, वाघाड, ता.राजापूर, जि.बडवाणी) व बाथरसिंग शोभाराम बारेला (24, सालीकल, सालीतांडा, ता.राजापूर, जि.बडवाणी) अशी अटकेतील आरोपींची नावे आहेत.

डोक्यात लोखंडी वस्तू मारून केला खून
रखवालदार पांडुरंग पंडित पाटील (52, बिलवाडी) हे बिलवाडी येथीलच रहिवासी ईश्वर मन्साराम पाटील यांचे वावडदा ते म्हसावद दरम्यान असणार्‍या शेतामध्ये रखवालदारी करून कुटुंबाचा उदरनिर्वाह करीत होते. मंगळवार, 14 नोव्हेंबर रोजी ते शेतामध्ये रखवालदारी करण्यासाठी रात्री गेले असता मध्यरात्री पवन बहाधीर बारेला (30, वाघाड, ता.राजापूर, जि.बडवाणी) व बाथरसिंग शोभाराम बारेला (24, सालीकल, सालीतांडा, ता.राजापूर, जि.बडवाणी) यांनी शेतात प्रवेश करीत रोटोव्हेटर व ट्रॅक्टर चोरी करण्याचा प्रयत्न केल्यानंतर रखवालदार पांडुरंग पाटील यांना जाग आली व त्यांनी विरोध केला व दरोडेखोरांनी डोक्यात लोखंडी वस्तू मारून त्यांचा खून केला.