बनावट जन्मदाखल्याद्वारे शासनाची फसवणूक : कासोद्याच्या मुख्याध्यापिकेला तीन वर्ष शिक्षा

Cheating the government through fake birth certificate : Kasoda headmistress gets three years sentence एरंडोल : सेवानिवृत्तीनंतरचे अधिक लाभ मिळण्यासाठी शासनाकडे खोटा दाखवला सादर करून सेवानिवृत्तीचे वय वाढवल्याप्रकरणी एरंडोल तालुक्यातील कासोदा येथील सार्वजनिक माध्यमिक विद्यालयातील मुख्याध्यापिका महानंदा भावराव पाटील यांना जामनेर न्यायालयाने त्यांना तीन वर्ष सक्त मजुरीची शिक्षा सुनावली.

असे आहे फसवणूक प्रकरण
महानंदा भावराव पाटील या नियम व वयोमानानुसार 2015 मध्ये सेवानिवृत्त होणार होत्या परंतु त्यानंतरही त्यांनी सेवेत कायम हजर राहून शासकीय लाभ प्राप्त करण्याच्या गैरहेतूने प्रतिज्ञापत्रात जाणीवपूर्वक खोटी जन्मतारीख नमूद केली. जन्म दाखला त्यांनी जामनेरचे तत्कालीन कार्यकारी दंडाधिकारी यांची दिशाभूल करून खोटी कागदपत्रे सादर करून प्राप्त केल्याचे दिसून आले होते. या प्रकरणी शिक्षण संस्थेने जामनेर येथील तहसीलदार यांच्याकडे तक्रार दाखल केली. त्या तक्रारीची सुनावणी तत्कालीन तहसीलदार चंद्रकांत देवगुणे यांनी घेऊन पोलिस स्टेशनला फिर्याद दिली होती. या प्रकरणाची सुनावणी बुधवारी जामनेर न्यायालयासमोर झाली.