भुसावळसह जळगाव जिल्ह्यातील चौघांवर स्थानबद्धतेची कारवाई : गुन्हेगारी वर्तुळात खळबळ

Placement action against four in Bhusawal and Jalgaon district: Excitement in criminal circles भुसावळ : भुसावळातील कुविख्यात गुन्हेगार योगेश देविदास तायडे (33) याच्यासह जळगाव जिल्ह्यातील जामनेर, रावेर येथील अन्य तिघांवर स्थानबद्धतेची कारवाई करण्यात आल्याने गुन्हेगारी वर्तुळात खळबळ उडाली आहे. याबाबतचे आदेश बुधवारी जिल्हाधिकार्‍यांनी पारीत करीत गुरुवारी संशयितांना ताब्यात घेत संबंधित कारागृहात हलवण्यात आले.

योगेश तायडेविरोधात गंभीर गुन्हे
योगेश तायडेविरोधात मारहाण करून जबरी चोरी करणे, खुनाचा प्रयत्न, मारामारी, रेती चोरी तसेच शासकीय कर्तव्यात अडथळा करणे अशा प्रकारचे गंभीर गुन्हे दाखल आहेत. गुन्हे केल्यानंतर संशयित जामीनावर सुटताच पुन्हा गुन्हे करीत असल्याने बाजारपेठ पोलिसांनी स्थानबद्धतेचा प्रस्ताव जिल्हा पोलिस अधीक्षकांकडे पाठवला होता.