धक्कादायक : जळगावात कबरीतून सात महिन्यांच्या गर्भाची चोरी

Shocking : Seven-month-old fetus stolen from grave in Jalgaon जळगाव : सात महिन्याच्या लहान बालकाचा खराब गर्भ धार्मिक रितीरिवाजानुसार कबर खोदून दफन करण्यात आल्याने दुसर्‍याच दिवशी या र्गीाची चोरी झाल्याचा प्रकार उघडकीस आल्याने शहरात खळबळ उडाली होती.
मृतदेह चोरीला गेला की गैर हेतू मार्गे अनिष्ट व अधुरी प्रथा व जादूटोणा करणार्‍यांनी तो नेला ? असा प्रश्न उपस्थित करीत याप्रकरणी गुन्हा नोंद करून सविस्तर चौकशी करण्यात यावी, अशी मागणी जळगाव जिल्हा मुस्लिम ईदगाह व कब्रस्तान ट्रस्टचे जनरल सेक्रेटरी फारूक शेख यांनी पोलिस अधीक्षक एम.राजकुमार यांच्याकडे केली आहे.

सविस्तर चौकशीची मागणी
सात महिन्याच्या गर्भाच्या मृतदेहाची चोरी प्रकरणी करीम शेख ताज मोहम्मद यांनी दिनांक 31 डिसेंबर रोजी दिलेल्या तक्रार अर्जावर कोणतीही ठोस कारवाई न झाल्याने जळगाव शहरातील विविध संघटनाचे कार्यकर्ते यांनी फारुक शेख यांच्या नेतृत्वात प्रभारी पोलिस अधीक्षक अशोक नखाते यांची प्रत्यक्ष भेट घेऊन त्यांना सविस्तर हकीकत समजून सांगितली व या प्रकरणी दवाखान्यात बाळ जन्माला आल्यापासून त्याचा दफनविधी करेपर्यंत सहभागी व रात्री प्रवेश केलेल्यांची सविस्तर चौकशी करून गुन्हेगार उघडकीस आणून त्याच्यावर कडक कारवाई करण्यात यावी, अशी मागणी तक्रार अर्जाद्वारे करण्यात आली.