तांदलवाडीत झाड काोसळून एकाचवेळी 150 पोपटांचा मृत्यू

खिर्डी : खिर्डी येथून जवळच असलेल्या तांदलवाडी, ता.रावेर येथे 25 रोजी सायंकाळी झालेल्या वादळी वार्‍यामुळे अनेक झाडे कोलमडली व बाजार पट्टा भागात पक्षांचा अधिवास असलेले वृक्ष कोसळल्याने मोठी पर्यावरणाची मोठी हानी झाली. पिंपळ व वडाची झाडे तीन ते चार ठिकाणी कोलमडून पडल्याने अनेक पक्षी जखमी झाले तर 150 वर पोपट जागीच मृत्यूमुखी पडले. घटनास्थळी जखमी पक्षांवर रात्री उशिरापर्यंत उपचार करण्यात आल्याने त्यांना जीवनदान मिळाले.

जखमी पोपटांवर शर्थीचे उपचार
पक्षी मित्रांनी व तरुणांनी परिसरातील झाडांखाली पडलेल्या पक्षांचा शोध घेवून त्यांना एकत्रीत करीत त्यांच्यावर उपचार केले. रात्री उशीरापर्यंत पक्षी मित्रांनी धडपड करत पक्ष्यांवर प्राथमिक उपचारासाठी रावेरात नेण्यात आले. रावेर येथील पशूवैद्यकीय अधिकारी यांनी तपासणी केल्यानंतर तब्येतीत सुधारणा झालेल्या पक्ष्यांना अधिवासामधे सोडण्यात आले तर जखमी पक्ष्यांवर उपचार सुरु आहे. पक्षी वाचवण्यासाठी तांदलवाडी येथील किरण महाजन यांनी घटनेची माहिती चातक निसर्ग संवर्धन संस्थेचे खिर्डी येथील पक्षी मित्र संकेत पाटील, यांना दिली. संकेत पाटील व वनरक्षक युवराज मराठे यांनी घटनास्थळी पोहोचून जखमी पक्ष्यांवर उपचार सुरू केले.