गोलाणी मार्केटमध्ये ‘पॅरागॉन कंपनीच्या’ नावाचा बनावट चपलांची विक्री : विक्रेत्याविरोधात कारवाई

Jalgaon Golani Market Red जळगाव : नामांकीत पॅरागॉन कंपनीच्या नावाने बनावट माल विक्री (Sale of counterfeit goods in the name of Paragon Company) करणार्‍या विक्रेत्यावर जळगाव शहर पोलिसांनी कारवाई करीत गुन्हा दाखल केल्याने खळबळ उडाली आहे. शहरातील गोलाणी मार्केटमधील ए विंगमधील दुकाननंबर 216 मधील जयेश फूटवेअर येथे कारवाई करीत बनावट फुटवेअरचा साठा जप्त करण्यात आला.

फूट वेअर विक्रेत्याविरोधात गुन्हा
कोल्हापूर येथील श्रेयस कोरवी हे सह्याद्री कॉपीराइट प्रोटेक्शन या फर्ममध्ये फिल्ड ऑफीसर म्हणून नोकरीला आहे. त्यांना पॅरागॉन (Paragon Company) पॉलिमर प्रायव्हेट लिमिटेड यांनी पॉवर ऑफ अर्टनी दिली आहे. या कंपनीचा बनावट माल विक्री होणार्‍या ठिकाणी जावून तेथे छापा टाकून कारवाई करण्याचे अधिकार त्यांना दिले आहेत. त्यानुसार पॅरागॉन कंपनीचा (Paragon Company बनावट माल शहरातील गोलाणी मार्केटमधील ऐ विंगमधील दुकाननंबर 216 मधील जयेश फूटवेअर येथे विक्री होत असल्याची माहिती त्यांना मिळाली. याठिकाणी कारवाई करण्यासाठी त्यांनी ठाणे अंमलदार संजय झाल्टे यांना पत्र दिले.