ऊस तोडीसाठी मजूर न पाठवता साडेतीन लाख लाटले : शिरसोलीच्या 12 संशयीतांविरोधात गुन्हा
3.5 Lakhs without sending labor for sugarcane cutting : Crime against 12 suspects of Shirsoli जळगाव : ऊस तोडणीसाठी कामाला मजूर पाठविण्याचे सांगून चाळीसगाव येथील शेतकर्याला शिरसोली येथील 12 संशयीतानी तीन लाख 60 हजार हजांराचा गंडा घाला. या प्रकरणी शनिवारी रात्री 11 वाजता एमआयडीसी पोलीस ठाण्यात 12 जणांविरोधात गुन्हा दाखल करण्यात आला.
तळेगावच्या शेतकर्याची केली फसवणूक
चाळीसगाव तालुक्यातील तळेगाव कृष्णनगर तांडा येथील जगदीश किसन खरात (वय-37) हे आपल्या परिवारासह वास्तव्याला आहे. ऊस तोडणीच्या कामाचा ठेका घेतात. शिरसोली येथील अर्जून भिमा जाधव यांला मजूरासाठी प्रत्येक 30 हजार आणि कमिशन 30 हजार असे एकुण 3 लाख 60 हजार रूपये जगदीश खरात यांनी दिली. परंतू अर्जून जाधव यांनी ऊसतोडणीला मजूर पाठविले नाही. म्हणून खरात यांनी दिलेले पैसे मागितले असता अर्जून जाधव यांच्यासह इतर 12 जणांनी जगदीश किसन खरात यांना धमकी देत पैसे देणार नाही, कामावर येणार नाही असे सांगत जीवेठार मारण्याची धमकी दिली. याप्रकरणी जगदीश खरात यांनी एमआयडीसी पोलीस ठाण्यात धाव घेवून तक्रार दिल्याने संशयीत आरोपी अर्जून भिमा जाधव, अशोक जयसिंग भिल, रोहिदास शिवाजी भिल, गोकुळ शिवाजी भिल्ल, शिवाजी भाटू भिल्ल, राहूल अशोक भिल्ल, सुनिल महारू भिल्ल, करण उत्तम जाधव, सुकदेव सुनिल मालचे, राजू मानसिंग भिल्ल, राजेंद्र विठ्ठल मोरे आणि अनिल सुकलाल भिल्ल (रा. शिरसोली) यांच्यावरोधात गुन्हा दाखल करण्यात आला.
