वरणगावात बसवर दगडफेक ; पाच वर्षीय बालिका जखमी

Stone pelting on a bus in Warangaon; A five-year-old girl was injured भुसावळ : मेहकर-भुसावळ बसवर एकाने वरणगावनजीकच्या सातमोरी पुलाजवळील हिना पार्कजवळ दगडफेक केल्याने बसमधील एक पाच वर्षीय बालिका जखमी झाली तर बसच्या दोन काचा फुटल्या. ही शनिवारी दुपारी तीन वाजेच्या सुमारास घडली. संशयीताविरुद्ध गुन्हा दाखल करण्यात आला असून त्यास अटक करण्यात आली.

दगडफेकीत बालिका जखमी
मेहकर-भुसावळ बस (एम.एच. 40 एन.9941) ही मेहकरवरून भुसावळला येत असतांना शनिवारी दुपारी तीन वाजेच्या सुमारास विशाल संजय बोंडे हा महामार्ग क्रमांक सहावरील हॉटेल आमत्रंणजवळ दुचाकी (क्रमांक एम.एच.19 डी.आर 5043) वर मोबाईलचे हेड फोन लावुन बसच्या पुढे आला व दुचाकी आडवी लावू शिविगाळ करू लागल्याने त्यास समजवण्यासाठी गेल्यानंतर त्याने दगडफेक सुरू केली.