एरंडोल शहरात कत्तलीपूर्वीच 20 गुरांची सुटका : तिघांविरोधात गुन्हा

Rescue of 20 cattle before slaughter in Erandol town: Crime against three एरंडोल : आयशर वाहनात निदर्यीपणे गुरे कोंबून ते कत्तलीच्या उद्देशाने घेवून जाणारे वाहन शनिवारी रात्री धरणगावसह एरंडोलच्या सामाजिक कार्यकर्त्यांनी पकडून पोलिसांच्या ताब्यात दिले. याप्रकरणी रवींद्र राजेंद्र माळी (रा.बिलाडी रोड, बिलाडी रोड, देवपूर, धुळे,), आबा बजरंग पाटील (देवपूर, धुळे) अव इमरान कंजा कुरैशी (कॉटन मार्केट, पारोळा) यांच्याविरोधात गुन्हा दाखल करण्यात आला. आयशर वाहनातून दहा गायी व दहा वासरांची सुटका करण्यात आली.

गोपनीय माहितीवरून कारवाई
याप्रकरणी श्रीपाद शंभुप्रसाद पांडे (42, वाणी गल्ली, धरणगाव) यांनी दिलेल्या फिर्यादीनुसार, शनिवार, 25 रोजी रात्री 9 वाजेच्या मित्र अजिंक्य काळे याचा फोन आला आणि त्याने सांगितले की, एरंडोल शहरातील कासोदा नाका येथे एक आयशर गाडी (एम.एच.18 बी.जी.7040) हीच्यात गाई व लहान वासरे ही जिवंत दोराच्या सहाय्याने बांधून कत्तलीसाठी नेण्याचे उद्देशाने निष्काळजीपणे कोंबून ठेवली आहेत. या घटनेची माहिती मिळताच श्रीपाद पांडे हे एरंडोलचे मित्र आकर्ष तिवारी, संजय छगन महाजन (रा. धरणगाव) यांच्या सोबत पोहचलो. तेव्हा तेथे अजिंक्य काळे, निरज अतुलकुमार जगताप, चंद्रकांत सुरेश पारखे हे देखील उपस्थित झाले.