साखरपुड्यानंतर लग्नास नकार देत महिला वकिलाची फसवणूक : नाशिकच्या चौकडीविरोधात गुन्हा

Fraud of female lawyer by refusing marriage after engagement : Crime against quartet of Nashik चोपडा : ओळख परीचयातून निर्माण झालेल्या प्रेमसंबंधातून महिला वकिलाचा साखरपुडा होवून विवाह निश्चिती झाली मात्र सासरकडील मंडळींनी हुंड्यात चारचाकीसह महागड्या ऑफिससाठी मोठी रक्कम मागितल्याने ती न दिल्याचा राग येवून सासरच्या मंडळींनी विवाह करण्यास नकार देत कुटूंबाची बदनामी करीत चोपडा तालुक्यातील मूळ रहिवासी व हल्ली नाशिक जिल्ह्यात स्थित महिला वकिलाची फसवणूक केली. याप्रकरणी चोपडा पोलिसात नियोजित वरासह त्याचे आई-वडील व मामाविरोधात फसवणुकीचा गुन्हा दाखल करण्यात आला.

साखरपुड्यानंतर विवाहास नकार
चोपडा तालुक्यातील एका गावातील रहिवासी असलेली 31 वर्षीय तरुणी वकिली व्यवसायानिमित्त नाशिक जिल्ह्यात वास्तव्यास असून सन 2022 मध्ये तिची अमित रामचंद्र हस्तेकर या नाशिकच्या तरुणासोबत ओळख झाली व दोघांमध्ये प्रेमसंबंध निर्माण झाले. एकमेकांच्या नातेवाईकांच्या सहमतीने दोघांनी विवाहबंधनात अडकण्याचा निर्णय घेतला व चोपडा शहरात नातेवाईकांच्या समक्ष जानेवारी 2023 मधे त्यांचा साखरपुडा झाला.