यावलसह एरंडोल तालुक्यातील अट्टल गुन्हेगार स्थानबद्ध

Attal criminals from Yaval and Erandol taluka located भुसावळ : यावल तालुक्यातील अट्रावल तसेच उत्राण, ता.एरंडोल येथील गुन्हेगारी पार्श्वभूमी लाभलेल्या दोघांना स्थानबद्ध करण्याचे आदेश जिल्हाधिकार्‍यांनी काढल्यानंतर गुन्हेगारी वर्तुळात प्रचंड खळबळ उडाली आहे. यावल तालुक्यातील दिवाकर उर्फ पिंटू टोपलू तायडे (41, अट्रावल, ता.यावल) तर कासोदा हद्दीतील भिकन रमेश कोळी (35, उत्राण, ता.एरंडोल) अशी स्थानबद्ध करण्यात आलेल्या संशयितांची नावे आहेत. दरम्यान, आगामी काळात आणखी काही उपद्रवींवर हद्दपारी तसेच स्थानबद्धतेची कारवाई केली जाणार असल्याचे पोलिस सूत्रांनी सांगितले.

पिंटू तायडेविरोधात सहा गुन्हे
अट्रावल, ता.यावल येथील पिंटू तायडे विरोधात यावल पोलिसात सहा गुन्हे दाखल आहेत. त्यात प्राणघातक हल्ला, दंगल, विनयभंग यासह अन्य गंभीर गुन्ह्यांचा समावेश आहे. संशयिताविरोधात एक वेळा प्रतिबंधात्मक कारवाई करण्यात आहे. त्यानंतरही कृतीत सुधारणा होत नसल्याने यावल निरीक्षक राकेश मानगावकर यांनी स्थानबद्धतेचा प्रस्ताव 26 नोव्हेंबर रोजी गुन्हे शाखेकडे सादर केल्यानंतर प्रस्तावाचे अवलोकन केल्यानंतर हा प्रस्ताव जिल्हाधिकार्‍यांकडे सादर करण्यात आल्यानंतर जिल्हाधिकार्‍यांनी स्थानबद्धतेचे आदेश काढले. तायडे यास कोल्हापूर मध्यवर्ती कारागृहात स्थानबद्ध करण्यात आले.