जळगावातील केळी विक्रेत्या महिलेला दिड लाखांचा गंडा

A woman selling bananas in Jalgaon has been fined one and a half lakhs जळगाव  : जळगावातील 50 वर्षीय महिलेने एकाला व्यवसायासाठी दिड लाख रुपये दिले व नंतर हे पैसे परत मागितल्यानंतर संबंधिताने करंट लावून ठार मारण्याची धमकी देत पैसे परत करण्यास नकार दिला. याप्रकरणी रामानंदनगर पोलिसात एकाविरोधात गुन्हा दाखल करण्यात आला.

असे आहे फसवणूक प्रकरण
कोकिळा भगवान सोनवणे (50, रा.दादावाडी, पिंप्राळा) यांचे पिंप्राळा परीसरातीलच सोनी नगर येथे ज्योतिबा फ्रुट कंपनी आहे. या माध्यमातून त्या केळीसह इतर फळ विक्री करण्याचे काम करतात. 10 जून 2023 रोजी श्रीकृष्ण तुकाराम मेघडे (रा. मुरली मनोहर अपार्टमेंट सावखेडा रोड, सोनी नगर, जळगाव) याने कोकिळाबाई सोनवणे यांच्याकडून व्यवसाय करण्याकरता दीड लाख रुपये रोख घेतले. त्यानंतर दोन महिन्यांनी महिलेने श्रीकृष्ण मेगडे याला पैशांची मागणी केली. त्यानंतर त्याने मी पैसे देत नाही असे सांगून तुला करंट लावून मारून टाकेल, अशी धमकी दिली.