जळगाव एलसीबीचे तत्कालीन निरीक्षक किरणकुमार बकालेंचा जामीन पुन्हा फेटाळला

The then Inspector of Jalgaon LCB Kiran Kumar Bakale was again denied bail जळगाव : मराठा समाजाविषयी अत्यंत आक्षेपार्ह विधान केल्याप्रकरणी जळगाव जिल्हापेठ दाखल गुन्ह्यातील संशयित आरोपी तत्कालीन एलसीबीचे निलंबित पोलिस निरीक्षक किरणकुमार बकाले यांचा जामीन अर्ज जळगाव जिल्हा सत्र न्या.बी.एस.वावरे यांनी फेटाळून लावला आहे. दरम्यान, अनेक महिन्यानंतरही यंत्रणेला बकालेंचा ठावठिकाणी मिळालेला नसल्याने पोलिसांच्या भूमिकेवरच आता प्रश्नचिन्ह उपस्थित राहिले आहेत.

अनेक महिन्यानंतरही लागला नाही शोध
आक्षेपार्ह विधान केल्यामुळे तत्काली पोलिस निरीक्षक किरण बकाले यांच्याविरोधात जळगाव जिल्हापेठ पोलिसात गुन्हा दाखल करण्यात आला होता. गुन्हा दाखल झाल्यानंतर अनेक महिन्यांचा कालावधी उलटला तरी ते पोलिसांना आढळून येत नसल्याने आश्चर्य व्यक्त होत आहे. बकालेंनी अटकपूर्व जामीन मिळावा म्हणून मुंबई उच्च न्यायालयाचे छत्रपती संभाजी महाराजनगर खंडपीठ तसेच जळगाव जिल्हा न्यायालयात धाव घेतली होती. तथापि, दोन्ही ठिकाणी अर्ज फेटाळण्यात आले आहेत.