गिरणा-मन्याड नदीजोड प्रकल्पाचे प्राथमिक सर्वेक्षण पूर्ण

Preliminary survey of Girna-Manyad river link project completed चाळीसगाव : गेल्या अनेक वर्षांची मागणी असणार्‍या व मन्याड खोर्‍यातील 25 गावांना संजीवनी ठरणार्‍या गिरणा मन्याड नदीजोड प्रकल्पाचे प्राथमिक सर्वेक्षण शनिवार, 30 डिसेंबर रोजी जलसंपदा विभागाच्या वतीने करण्यात आले. काही दिवसांपूर्वीच आमदार मंगेश चव्हाण यांनी उपमुख्यमंत्री देवेंद्र फडणवीस व ग्रामविकास मंत्री गिरीषभाऊ महाजन यांच्याकडे सदर सर्वेक्षणाची मागणी केली होती, त्यानुसार उपमुख्यमंत्री देवेंद्र फडणवीस यांनी तात्काळ सर्वेक्षणाचे आदेश दिले असता जलसंपदा विभागाच्या वतीने तातडीने हे सर्वेक्षण करण्याच्या हालचाली झाल्या.

मन्याड धरणात पाणी आणणे शक्य
प्राथमिक सर्वेक्षणात गिरणा धरणातून नैसर्गिक प्रवाहाने मन्याड धरणात पाणी आणणे शक्य असल्याचा निष्कर्ष जलसंपदा विभागाचे अभियंता यांनी काढला आहे. यामुळे एक सकारात्मक पाऊल नदीजोड च्या दिशेने पडले आहे.
या सर्वेक्षणात जलसंपदा विभागाच्या स्थापत्य शाखेचे उपअभियंता अश्वजित बच्छाव व कनिष्ठ अभियंता क्षितीज चौधरी यांनी सहभाग घेतला होता. यावेळी कृषी उत्पन्न बाजार समिती संचालक रवींद्र शिवराम पाटील,
ज्ञानेश्वर पाटील, अप्पा पाटील, नाना पाटील, चेतन पाटील आदी पंचक्रोशीतील ग्रामस्थ उपस्थित होते.