भुसावळ रेल्वे स्थानकावर आरपीएफ निरीक्षकांवर हल्ला : दहा संशयीत कोठडीत

Attack on RPF inspectors at Bhusawal railway station: 10 suspects in custody भुसावळ : भुसावळ रेल्वे सुरक्षा बलाचे निरीक्षक व कर्मचार्‍यावर विक्रेत्यांनी हल्ला केल्याची घटना रेल्वे स्थानकावरील प्लॅटफॉर्म क्रमांक पाचवरील मद्रास बेकरीवर घडली होती. याप्रकरणी लोहमार्ग पोलिसांनी दहा आरोपींनी अटक केली होती. संशयीतांची कोठडी संपल्यानंतर त्यांना शुक्रवारी न्यायालयात हजर केले असता न्यायालयीन कोठडी सुनावण्यात आली. दरम्यान, या गुन्ह्यातील दोघांना अंतरीम जामीन मंजूर करण्यात आला आहे.

14 संशयीतांविरोधात गुन्हा
जंक्शनवरील प्लॅटफार्म 5 वर दोन गटातील विक्रेत्यांचा वाद झाल्यानंतर मोठी गर्दी जमली. रेल्वे सुरक्षा बलाचे निरीक्षक आर.के.मीना व सहकारी महेंद्र कुशवाह हे वाद मिटविण्यासाठी गेल्यानंतर त्यांच्यावर विक्रेत्यांनी हल्ला केला. या प्रकरणी लोहमार्ग पोलिसात 14 संशयीतांविरोधात गुन्हा दाखल करण्यात आला. दहा आरोपींना अटक केल्यानंतर त्यांना दोन दिवसाची पोलीस कोठडी सुनावण्यात आली तर ही मुदत संपल्यानंतर संशयीतांना न्यायालयात हजर केले असता न्यायालयीन कोठडी सुनावण्यात आली. लोहमार्ग पोलिसांतर्फे सरकारी वकील अ‍ॅड.नितीन खरे यांनी बाजू मांडली.