भुसावळात चाकूच्या धाकावर लूटले : दोघा आरोपींना अटक

भुसावळ (16 डिसेंबर 2024) : शहरातील सतारा भागातील नारायण कॉम्पलेक्स जवळील पालिकेच्या शौचालयात तीन चोरट्यांनी चाकूचा धाक दाखवित सुनील यशवंत पाटील यांच्याजवळील 45 हजार रुपये रोख व मोबाईल असा 62 हजारांचा ऐवज लूटला होता. ही घटना 2 डिसेंबरला सकाळी 10 वाजता घडली होती. शहर पोलिसात 13 डिसेंबरला 11 दिवसानंतर गुन्हा दाखल करण्यात आल्यानंतर शहर पोलिसांनी दोघांना अटक केली आहे. जय मनोज जाधव व रवी देवसिंग कसोटे (दोन्ही रा.वाल्मीक नगर, भुसावळ) असे अटकेतील आरोपींचे नाव आहे.

आरोपींचा साथीदार पसार
संशयीतांना न्यायालयात हजर केले असता न्यायालयाने दोन्ही संशयीतांना सोमवार, 16 पोलिस कोठडी सुनावली. दरम्यान, दोन्ही संशयीतांकडून तिसर्‍या संशयीताची माहिती काढण्यात येत आहे. दोन्ही संशयीतांना उपनिरीक्षक इकबाल सैय्यद, सहायक फौजदार संजय पाटील, जाकीर मन्सुरी, रज्जाक खान, विकार शेख यांनी अटक केली. तपास डीवायएसपी कृष्णात पिंगळे, निरीक्षक उध्दव डमाळे यांच्या मार्गदर्शनाखाली उपनिरीक्षक इकबाल सय्यद करीत आहेत.