आमदार संजय सावकारे यांच्यावर शुभेच्छांचा वर्षाव

भुसावळ ग्रामीणमध्ये विकासकामांचे उद्घाटन ः जामनेर रोडवरील संपर्क कार्यालयात चाहत्यांसह समर्थकांची गर्दी

भुसावळ : भुसावळचे लाडके आमदार संजय सावकारे यांचा शुक्रवार, 11 डिसेंबर रोजी वाढदिवस असल्याने दिवसभर विविध क्षेत्रातील मान्यवरांसह हितचिंतक व कार्यकर्त्यांनी त्यांच्यावर प्रत्यक्ष भेटून तसेच फोनवरून व सोशल मिडीयावरून शुभेच्छांचा वर्षाव केला. दरम्यान, भुसावळ ग्रामीणमध्ये वाढदिवसाचे औचित्य साधून विविध विकासकामांचे उद्घाटन व लोकार्पण करण्यात आले.

भुसावळ ग्रामीणमध्ये विकासकामांचे भूमिपूजन
आमदार सावकारे यांच्याहस्ते गुरुवारी सकाळी 10 वाजता तळवेल-पिंपळगाव रस्त्याचे भूमिपूजन, सकाळी 10.30 तळवेल-ओझरखेडा रस्त्याचे भूमिपूजन, काहुरखेडा येथे सकाळी 11 वाजता सभागृहाचे भूमिपूजन, हतनूर येथे सकाळी 11.30 सभागृहाचे भूमिपूजन, मौजे कठोरा येथे 12 वाजता आर.ओ.प्लाँट व रुग्णवाहिकेचे लोकार्पण, 12.30 वाजता साकरी-जाडगाव रस्त्याचे भूमिपूजन, दुपारी एक वाजता साकरी येथे सभागृहाचे भूमिपूजन, दुपारी दिड वाजता खडका-किन्ही-खंडाळा रस्त्याचे भूमिपूजन, दुपारी दोन वाजता मोंढाळा येथे सभागृहाचे लोकार्पण, दुपारी अडीच वाजता साकेगाव येथे सभागृहाचे लोकार्पण, दुपारी तीन वाजता गोंभी-सुनसगाव रस्त्याचे भूमिपूजन, दुपारी साडेतीन वाजता बेलव्हाळ येथे शिधापत्रिकांचे वाटप, दुपारी चार वाजता हतनूर व्यायामशाळेचे उद्घाटन करण्यात आले. सर्व कार्यक्रमात सोशल डिस्टन्सचे पालन करण्यात आले तसेच प्रसंगी स्थानिक लोकप्रतिनिधी व कार्यकर्ते उपस्थित होते.