जिल्हाधिकार्यांनी लक्ष घालण्याची अपेक्षा : 433 शेतकर्यांची नोंदणी
रावेर : जिल्ह्यात सर्वत्र कापूस खरेदी केंद्र सुरू करण्यात आले असलेतरी रावेर शहरात मात्र अद्याप खरेदी केंद्र सुरू करण्यात आले नसल्याने शेतकर्यांमध्ये नाराजी व्यक्त होत आहे. लोकप्रतिनिधींच्या अथक प्रयत्नानंतर रावेरला खरेदी केंद्र मंजूर झाले मात्र जीनिंगअभावी खरेदीला उशीर होत आहे. तालुक्यातील 433 शेतकर्यांनी कापूस विक्रीसाठी नोंदणी केली असलीतरी केंद्र सुरू होत नसल्याने शेतकर्यांमध्ये प्रचंड निराशा पसरली आहे. जिल्हाधिकारी अभिजीत राऊत यांनी लक्ष घालण्याची मागणी होत आहे.
