उपमुख्यमंत्री अजित पवारांच्या मामांची होणार चौकशी : किरीट सोमय्यांच्या दाव्याने खळबळ

रझा अकादमीच्या नेत्यांची अटक का नाही?
राज्यातल्या हिंसाचारावरही सोमय्यांनी वक्तव्य केलं. ते म्हणाले, शिवसेनेचा नेता नांदेडमध्ये भाषण करतो. रझा अकादमीच्या एकाही नेत्याची अटक का नाही ? जे मोर्चे निघाले ते काय आरएसएसनं काढले ? हिंदू हा मुद्दा यांच्यासाठी राहिला नाही. छत्रपतींचा महाराष्ट्र हे मान्य करणार नाही. हिंदूंची दुकाने तोडली आणि जाळली मात्र हे संजय राऊतांना दिसत नाही. सुमित ठक्करनं ठाकरे सरकारचा घोटाळा काढला, तर 10 दिवस तुरूंगा. मात्र मोर्चे काढणारे मोकळे. हे धंदे चालणार नाहीत, असा इशारा त्यांनी यावेळी दिला. दरम्यान, आगमी चार दिवसांत 4 ठिकाणी राज्याच्या नेत्यांची प्रकरणं बाहेर येतील. या ठिकाणी ईडी कारवाया करेल. तपास यंत्रणा कारवाई करतील. त्यात अजित पवार यांचे मामा आणि बिझनेस पार्टनर यांचीही चौकशी होईल. वक्फ बोर्डाच्या घोटाळ्यांचा सगळा तपास पूर्ण होणार असल्याचेही सोमय्या म्हणाले.