Blast at Srinagar police station: 9 killed 32 injured श्रीनगर (15 नोव्हेंबर 2025) : स्फोटकांचे नमुने घेताना श्रीनगरच्या पोलिस ठाण्यात स्फोट घडल्यानंतर या दुर्घटनेत नऊ जणांचा मृत्यू ओढवला तर 32 जण जखमी झाले. मृतांचा आकडा वाढण्याची भीती आहे जखमींपैकी बहुतेक पोलिस अधिकारी असून त्यांच्यावर 92 आर्मी बेस आणि एसकेआयएमएस सौरा रुग्णालयात उपचार सुरू आहेत.
नमूने घेताना झाला स्फोट
जम्मू आणि काश्मीरचे डीजीपी नलिन प्रभात म्हणाले की, जम्मू-काश्मीरमधील श्रीनगरमधील नौगाम पोलिस स्टेशनमध्ये गुरुवारी रात्री 11.20 वाजेच्या सुमारास सॅम्पलिंग दरम्यान स्फोट झाला. मृतांमध्ये एक निरीक्षक, तीन फॉरेन्सिक टीम सदस्य, दोन गुन्हे शाखेचे छायाचित्रकार, दोन महसूल अधिकारी आणि एक शिंपी यांचा समावेश आहे.
दिल्ली बॉम्बस्फोटात 13 जणांचा मृत्यू
10 नोव्हेंबर रोजी संध्याकाळी 6:52 वाजता लाल किल्ला मेट्रो स्टेशनच्या गेट क्रमांक 1 जवळ एका पांढर्‍या आय20 कारमध्ये स्फोट झाला. त्यात तेरा जण ठार झाले आणि 20 जण जखमी झाले होते. केंद्र सरकारने दिल्लीतील बॉम्बस्फोटांना दहशतवादी हल्ला म्हणून मान्यता दिली आहे. बुधवारी केंद्रीय मंत्रिमंडळाच्या बैठकीत लाल किल्ल्याजवळ झालेल्या दहशतवादी हल्ल्याबाबत ठराव मंजूर करण्यात आला.
